Kooti enkulu eyimirizza bonna ababadde besomye okutwala ettaka lya Ssaabasajja Kabaka erisangibwa e Kaazi mu Busiro, nga bagendera ku biragiro bya minister omubeezi owÉttaka nÁmayumba mu government eya wakati Sam Mayanja
Ettaka lino erya Kabaka liri mu square Mile 350 erya Ssaabasajja Kabaka.
Lisangibwa ku Block 273 plot 5 nga liweza obugazi bwa yiika 120.
Ettaka lino libadde limanyiddwa nnyo nga eryÁbasikawutu, kuba ssekabaka Daudi Chwa yali yabawaako Liizi.
Wabula libadde lyesenzaako abantu abenjawulo abaawakanya obwa nnanyini bwalyo, naye kati kooti yalamudde nti lya Beene.
Ettaka lino waliwo bannakigwaanyizi abaalikubako ebyaapa ebicupule, ekyawaliriza bannamateeka bÓbwakabaka ne Kabaka omwali K&K Advocates, S&L Advocates , Buganda Royal Law chambers ne bannamateeka mu Buganda Land Board okuddukira mu kooti era nebiyimirizibwa, nga bino byaliwomu 2024.
Nga 18 July, 2025, Omulamuzi mu kooti enkulu Bonny Isaac Teko awadde ensala eyimiriza bannakigwaanyizi ababadde batandise okusenda ettaka lya Beene nekigendererwa eky’okulibba.
Mu nsisinkano ne Bannamawulire mu Bulange e Mengo,minister wÉttaka nÉbizimbe Owek David Fredrick Kisitu Mpanga agambye nti Obwakabaka busanyukidde ekya kooti okuwa ensala mu bbanga ettono,eyimiriza abantu ababadde bagenda mu maaso n’okubaako byebakolerako.
Owek. Mpanga alabudde nti ssinga amateeka tegakola kimala kulemesa bannakigwaanyizi kika kino, Ettaka lyÁbantu lingi lyakubbibwa.
Omulamuzi mu nsalaye eyÉmiko 19 alagidde waleme kubaawo muntu yenna akolera ku biragiro bya minister Sam Mayanja okubaako kyakolerako, okutuusa nga Omusango ogwawaabwa gusaliddwa.
Bisakiddwa: Kato Denis
