Omubaka wa Bungereza mu Uganda Lisa Chesney asisinkanye akakiiko akakola ku bamusigansimbi – okutema empenda z’okusitula obusuubuzi mu Uganda

Date:

 

Akulira akakiiko ka bamusiga ensimbi mu maka g’obwa President aka State House Investors Protection Unit Col.Edith Nakalema agambye amaanyi bagatadde kukuziba emiwaatwa egibadde gyeyambisibwa ebitongole bya government ebyenjawulo, nebiremesa bamusigansimbi babeera bagala okutandikawo amakolero n’emirimu egyenjawulo mu Uganda.

Nakalema agamba nti abakozi ba government abamu baali bakikola mu bugenderevu okussaawo emiziziko egiremesa ba musigansimbi, nga bagala basooke babawe enguzi.

Col. Nakalema agamba nti obuvunanyizibwa bw’ebitongole bino, kuwereza bantu omuli ne bamusiga ensiimbi mu bwangu  okusitula ebyenfuna, wabula abakulu abamu mu wofiisi za government babakaandaliriza mu bugenderevu, nategeezza nti akakiiko kakulembera bino byonna kagezezzaako okubirwanyisa.

Col. Edith Nakalema abadde asisinkanye omubaka wa Bungereza mu Uganda Ambassador Lisa Chesney ku wofiisi z’akakiiko ka State House Investors Protection Unit (SHIPU) mu Kampala,  okwogera ku ngeri y’okutumbula eby’obusuubuzi wakati wa Uganda ne Bungereza nokunyweza enkolagana eriwo.

 

Omubaka wa Bungereza mu Uganda Ambassador Lisa Chesney agambye nti bagala okukolera wamu okusitula ebyenfuna by’ ggwanga lino, nokulaba nga Uganda etuuka mu mawanga agali yadde yaddeko.

Ambassador Lisa Chesney yebazizza Nakalema ne government olw’okusaawo omutimbagano, bamusiga ensimbi kwebayita okutuusa ensonga zabwe, nti gwayambako n’okulwanyisa enguzi eyakolebwa nga ku bamusiga ensimbi abatali bamu.

Share post:

Popular

Also Read

Police Roll Out Security and Traffic Plan for MP Nominations in Kampala

Kampala Metropolitan Police have announced a series of security...

Museveni Pledges to Recruit 1,400 Health Inspectors to Curb Drug Theft

The National Resistance Movement (NRM) Presidential Candidate, General Yoweri...

Jose Chameleone: I Love Bobi Wine as a Brother, But I Belong to NRM

Musician Jose Chameleone has confessed that he doesn’t wish...

Alien Skin Battles for Fangone Forest Name as Businessman Claims Trademark Rights

Musician Alien Skin found himself in a legal battle...